Hypnobirthing &
Life Coach — Lliwen MacRae

“Yn cefnogi merched i deimlo’n hyderus a grymus yn ystod beichiogrwydd, genedigaeth ac yn y cyfnod ôl-enedigol”

Trefnu Sgwrs AM DDIM

Cyrsiau a Gwasanaeth

Sesiynau Annogwr Personol

Sesiynau Annogwr Personol 1:1 Arlein

Cwrs Cefnogaeth 6 Wythnos

Sesiynau Annogwr Personol

Sesiynau Annogwr Personol 1:1 Arlein

Cwrs Trawsnewid 12 Wythnos

Cwrs Geni Grymus 1:1

Cwrs Geni Grymus wedi’w deilwra yn arbennig ar gyfer y Fam a’r partner geni. Cyfle i weithio 1:1 gyda Lliwen.

Bwcio / Mwy o Wybodaeth

Cwrs Grŵp Geni Grymus

Cwrs grwp dros gyfnod o 4 wythnos. Byw, arlein efo Lliwen i’r Fam a’r partner geni.
Bwcio / Mwy o Wybodaeth

Y Cwrs Geni Cesaraidd Grymus

Ar gyfer cyplau sy’n dewis genedigaeth cesaraidd dewisol grymus.
Gwybod eich hawliau a’ch dewisiadau.

Bwcio / Mwy o Wybodaeth

Beth ydy ‘hypnobirthing’ / Cwrs Geni Grymus?

“Pan nesi glywed gyntaf am hypnobirthing fy ymateb awtomatig oedd delwedd o oriawr yn swingio o un ochor i’r llall a chriw o hipis yn dawnsio’n noeth o amgylch tân – ond dio’m yn gweithio fel ‘ne, dwi’n gaddo!”

Dysgu Mwy

Mae hypnobirthing/ geni grymus yn ‘game changer’. Mae’r technegau a’r addysg yn eich galluogi i gael y geni gorau phosib, i gael genedigaeth positif a grymus. Mae’n rhoi hyder i chi wneud dewisiadau gwybodus wrth i’ch beichiogrwydd ddatblygu, ac yn ystod genedigaeth. Trwy ddod i ddeall am eich dewisiadau a’ch hawliau yn ystod beichiogrwydd a genedigaeth, mi fydd ganddoch fwy o reolaeth dros eich profiad. Mae Cwrs Geni Grymus yn eich galluogi i fod yn gwbl ymwybodol o’r hyn sy’n digwydd yn gorfforol a meddyliol. Fydd y wybodaeth yma yn eich galluogi i ryddhau yr hormonau geni anghenrheidiol ar gyfer cael genediageth mwy cyfforddus a cyflymach! Win – win!

Mae’n bwysig ychwanegu, mae hypnobirthing/ cwrs geni grymus yn werthfawr i BOB mam – ble bynnag neu sut bynnag y byddwch yn penderfynu geni’ch babi. Dwi yn coelio fod y techengau geni grymus hyd yn oed fwy gwerthfawr os nad yw eich taith geni yn mynd fel roeddech wedi gobeithio/dychmygu. Gall y technegau yma fod y gwahanaieth rhwng cael profiad geni trawmatig a phrofiad anghygoel o bositif.

Amdana i

Lliwen ydw i a dwi’n cynnig cefnogaeth a chymorth wedi’w ganoli ar y ddynes yn ystod beichiogrwydd, geni ac yn ystod y cyfnod ol-geni. Rwy’n Annogwr Personol sydd wedi’i Achredu’n Rhyngwladol ac yn Hyfforddwr Geni Grymus Cymwysedig trwy FEDANT (Ffederasiwn Addysgwyr Cyn Geni).

Rydw i yn byw yn Seland Newydd ond yn gweithio rhan fwyaf arlein gan fy mod yn gweithio efo merched Cymraeg (ar y cyfan). Dwi’n teimlo fod yr angen yne i gynnig gwasanaeth Cymraeg, gonest, hawdd i’w fynychu i ferched beichiog a mamau Cymru.

Darllen mwy

Cysylltu â mi

E-bost

lliwen@hypnobirthingcoach.com

Cyfryngau Cymdeithasol

Adborth

Cari Rowlands

Cari Rowlands

Mi glywais am y Cwrs Geni Grymus gan ffrind a dwi mor falch fy mod wedi ymuno â'r cwrs! Rwyf i a fy mhartner wedi dysgu gymaint o wybodaeth defnyddiol am y daith geni ac rydym yn teimlo'n llawer mwy hyderus a phositif am roi genedigaeth. Rydym wedi cael cymaint o adnoddau defnyddiol sydd wedi fy helpu i ddatblygu meddylfryd cadarnhaol tuag at yr enedigaeth. Roedd yn braf gallu ymuno â'r sesiynau wythnosol gyda Lliwen - gofod ar-lein braf a chroesawgar i gwrdd â chyplau eraill, trafod ein taith geni a rhannu gwybodaeth gyda'n gilydd. Diolch yn fawr iawn, Lliwen!  
Leusa Llewelyn

Leusa Llewelyn

Mi wnaeth y Cwrs Geni Grymus roi yr hwb yr oeddwn angen ar fy nhaith beichiogrwydd, gan fy annog i ymchwilio mwy i'r broses o roi genedigaeth a sut i wneud y dewisiadau cywir ar yr adeg iawn. Roedd y dosbarthiadau yn cynnig gofod diogel a chymuned glos i famau beichiog, ac roedd ei ffordd hwyliog o gyflwyno gwybodaeth yn gwneud y sesiynau'n uchafbwynt wythnosol ar adeg a all fel arall fod yn eithaf ynysig a straenus. Diolch Lliw!
Teleri Evans

Teleri Evans

Cwrs Geni Grymus Lliwen oedd y penderfyniad gorau wnes i yn ystod beichiogrwydd fy 4ydd plentyn. Roedd geni fy 3ydd yn drawmatig ac roeddwn yn nerfus iawn am y labour tro yma. Rhoddodd y cwrs y wybodaeth a'r hyder yr oedd eu hangen arnaf i wneud dewisiadau gwybodu a nesi ddysgu techengau sut i ymdopi yn ystod y labour ei hun. Mae cael y wybodaeth iawn yn bŵerus, a dwi'n teimlo y byddai fy mhrofiadau geni blaenorol wedi dilyn llwybr gwahanol pe bawn i wedi gwneud y cwrs hwn yn gynt. Gallaf sicrhau na fyddwch yn difaru gwneud y Cwrs Geni Grymus!
Sioned Evans

Sioned Evans

Mae Lliwen yn anhygoel am egluro popeth y dylai'r gweithwyr proffesiynol fod yn ei ddweud wrthych, ond yn anffodus dydyn nhw ddim. Rydw i mor falch fy mod wedi gwneud y cwrs hwn i gael y wybodaeth a wnes i gan Lliwen. Rhoddodd gymaint o hyder imi. Mi wnes i wrthod cael fy inducio pan ddaeth fy mabi yn gynnar mis Chwefror. Ni fyddwn erioed wedi cwestiynu gweithiwr meddygol proffesiynol cyn gwneud y cwrs hwn, ond dwi mor falch fy mod wedi gwneud gan y byddai induction wedi bod yn eithaf trawmatig i mi. Mi wnes i benderfynu cael geni ceseraidd dewisiol yn hytrach na induction a mi roddwn mor falch fymod wedi cymeryd yr amser i wneud y penderfyniad hwn a wedi gwarndo ar fy ngreddf fy hun gan fod y brych wedi dechrau 'eruptio'. Mi nesi wneud y penderfyniad iawn er fy lles fy hun a fy mabi. Mae'r cwrs yn gwneud i chi deimlo'n rymus iawn a mi fyswn yn ei argymell i unrhyw un sydd yn disgwyl!
Gareth a Lowri

Gareth a Lowri

Doeddwn i ddim yn siŵr beth oeddwn i'n cofrestru ar ei gyfer mewn gwirionedd, ond roedd gen i ddiddordeb mawr yn y syniad o eni positif felly mi wnes i archebu lle ar y cwrs geni grymus ar ôl fy sgan 20 wythnos er mwyn i mi gael dysgu mwy. Mae'n wirioneddol anhygoel faint o wybodaeth y gall Lliwen ei rhannu ar draws 4 sesiwn. Es i o fod yn nerfus a chael rhyw fath o ddealltwriaeth (mae camddealltwriaeth yn ddisgrifiad agosach!) o eni i fod yn gyffrous i fy mhrofiad geni a bod yn hyderus i ofyn cwestiynau a gwneud y penderfyniadau iawn i fi a fy mabi. Mae gan Lliwen lawer o adnoddau y mae'n eu rhannu i wella eich dealltwriaeth a'ch helpu i baratoi ar gyfer eich genedigaeth, pa bynnag fath o enedigaeth dechi'n gynllunio amdano. Byddwch hefyd yn cael llawer o chwerthin wrth i chi gyfarfod!
Caryl Bolger

Caryl Bolger

Dwi'n rili argymell y Cwrs Geni Grymus i gyplau sy'n disgwyl babi Ar ôl cael genedigaeth trawmatig gyda fy mabi cyntaf, cefais brofiad anhygoel gyda genedigaeth fy ail, i gyd oherwydd y technegau a ddysgais o'r cwrs. Ges i brofiad grymus a chadarnhaol ac mi wnes i fwynhau gymaint diolch i Lliwen!